Вчера премиерно на Vevo беше прикажан новиот спот на Алиша Кис за песната „Un-Thinkable (I’m Ready)“.
Во спотот учествува и ѕвездата од One Tree Hill, атрактивниот Чед Мајкл Мари. Дејството се одвива околу забранетата љубов на Чед и Алиша.
„Un-Thinkable“ е четвртиот сингл на Алиша од нејзиниот најнов албум, The Element of Freedom.
Во меѓувреме стана јасно дека премиерата на долгоочекуваниот спот на Алиша и Бијонсе за песната „Put It In A Love Song“ ќе се одложи. Иако таа беше закажана за минатиот месец, според најновите информации спотот ќе се појави кон крајот на летото.