Адријана Лима сними видео за модната библија „Вог“ во кое ја покажува својата рутина за пакување.
Славната Бразилка сподели дека прво го склопува секој аутфит и ја реди облеката во куферот без да ги измеша комбинациите и дека секогаш пакува 2 чанти (една за денски и една за ноќни излегувања).
Нејзин совет е секогаш да носите блејзер со кој кежуал комбинациите може веднаш да станат „кежуал шик“ и црни еластични фармерки со висок струк.
Кога станува збор за боите, таа вели: „Моите омилени бои – бела, црна и црвена. Најмногу носам црно, секогаш. Сите ме прашуваат за тоа, ја обожавам. Се обидувам да носам други бои, но кога ќе се облечам, ќе се погледам и ќе си речам 'Не'.“