Иако секогаш добива пофалби за вкусот за мода, кралицата Летиција наиде на поделени мислења за најновиот стилски избор.
На Филмскиот фестивал „Opera Prima“, 50-годишната претставничка на шпанското кралско семејство се појави во комбинација со карирано здолниште од H&M со исечок во центарот на едната страна.
„Отворот го уништи овој изглед“, „Ѝ се восхитувам за нејзината смисла за мода, но ова едноставно изгледа глупаво“ и „Изгледа како да паднала и да си го скинала здолништето кај коленото“ – се дел од негативните коментари на интернет.
„И јас би го носела ова здолниште“ и „Многу е храбра кога станува збор за модата“ - пишуваат оние на кои им се допадна смелиот изглед.
Оригиналната идеја при креирањето на здолништето била ногата да излегува низ отворот. Истото е создадено од шпанскиот бренд во соработка со Toga Archives.
