Александар Динев и Евче ставија крај на љубовната приказна.
По неколкумесечни шпекулации и прашања од страна на фановите, тие решија јавно да проговорат за својот статус и преку емотивно соопштение потврдија дека веќе четири месеци не се заедно.
Нивната објава ви ја пренесуваме во целост:
Веќе некое време размислуваме како да го споделиме ова, затоа што не е лесно да се зборува јавно за нешто што за нас е многу лично.
Бидејќи нашата врска беше јавна од самиот почеток и бидејќи многу од вас постојано нè прашуваат за истата, чувствуваме дека е најискрено ова да го споделиме со вас.
Ние повеќе не сме заедно.
Веќе 4 месеци не сме во врска, а во тој период си дадовме простор и време за себе. Денес сме во добар однос и продолжуваме понатаму со меѓусебна почит и разбирање.
Не би сакале да навлегуваме во детали, затоа што веруваме дека некои работи заслужуваат да останат приватни. Тоа што сакаме да го кажеме е дека имаме почит еден кон друг, благодарни сме за сите убави моменти што ги споделивме и искрено си посакуваме мир, среќа и многу успеси понатаму.
Ве молиме да не испраќате омраза, да не создавате претпоставки и да не нè притискате со прашања. И двајцата сме луѓе со чувства и во овој период најмногу ни значи вашето разбирање.
Ви благодариме на сите што нè поддржувавте и ќе продолжите да нè поддржувате и понатаму.
Со љубов,
Александар и Ева
