Сте знаеле ли дека во Полска постои село со само една улица?
Да, сите 6.000 жители на Сулошова живеат на иста улица, која е долга 9 километри. Неодамна, фотографии од птичја перспектива од уникатното место станаа вирален хит на социјалните мрежи. На нив е прикажано бајковитото место кое од двете страни е опкружено со ниви.
„Тука има одлична смисла за заедница. Имаме Денови на јаготките, кога сите се собираме и вкусуваме нови плодови и имаме жива музика. Имаме и Денови на компирите и го правиме истото. Но, луѓето обожаваат да озборуваат. Секој се познава со секого“ – рекол еден жител.
Нарекувано и „мала Тоскана“, селото изобилува со природа и е поврзано со Националниот парк „Ојцовски“ и Пиескова Скала каде се наоѓа ренесансен замок на врвот од карпа од 14-тиот век.
Сулошова се наоѓа на 29 километри југозападно од градот Краков. Улицата е една од најдолгите улици во Полска.
