Милош Биковиќ направи мала пауза од професионалните ангажмани. Популарниот актер ги спакува куферите и заедно со својата вереница Ивана Малиќ и нивното 2-годишно синче Василије, замина на далечно и егзотично патување во фасцинантниот Шангај.
38-годишниот Србин, кој ретко споделува приватни моменти, им дозволи на обожавателите да ѕирнат во нивната семејна кинеска авантура. Тој објави серија фотографии кои зрачат со топлина, но и со неговиот препознатлив уметнички дух.
„Шангај во боја. Масло на платно. Срце на место. Риба во вода. Јајца во кошница. Дух во ламба“ – напиша актерот во описот на фотографиите, доловувајќи ја магијата на овој футуристички град каде традицијата и модерното се спојуваат на уникатен начин.
Милош и Ивана за првпат беа видени заедно во јавност во 2021 година, на премирата на „Јужен ветер 2: Забрзување“ во Белград. Нивното синче се роди во јануари 2024 година.