Деми Мур направи вистински моден погодок на балот МЕТ. Во склоп со овогодишната тема и дрес-кодот „Tailored for You“ (Скроено за тебе), кој ја слави машката облека и класичните костуми, славната актерка избра мошне невообичаена креација.
Фустанот, кој е дело на модната куќа Thom Browne е инспириран од машката вратоврска и претставува вистинско ремек-дело на високата мода.
За неговата изработка биле потребни дури 7.600 часа рачна работа, а украсен е со над 1.400.000 мониста во различни форми и големини, кои создаваат уникатен визуелен ефект.
62-годишната актерка зрачеше со самодоверба и елеганција позирајќи пред бројните фоторепортери, уште еднаш потврдувајќи дека стилот не познава возраст.
