Ако сакате да се чувствувате истовремено удобно, комфорно, урбано и модерно, еден тренд ќе ве освои исто како што ги освои модните блогерки и славните личности.
Тренерките со широк ластик околу половината и со ластици на ногавиците се сè почесто среќавани и на Instagram фотографиите на блогерките и во колекциите на модните дизајнери кои пронајдоа начин да ги вклопат во многу различни стилови.
Ѕвезди како Џенифер Лопез, Ријана, Медисон Бир, Ким Кардашијан, Кајли Џенер, Хејли Бибер, Џиџи и Бела Хадид многупати беа фотографирани со овој модел на тренерки.
Без разлика дали се упатувате на кафе со пријателка, на прошетка во природа или во соседството, работите од дома или едноставно си правите селфи додека се излежувате на каучот, инспирирајте се од овие удобни модни комбинации во чија основа се тренерките кои се тренд сезонава:
