Еден навидум нормален работен ден за Тори Хилдрет заврши сосем неочекувано. Учителката од Мејн се породи на школскиот паркинг откако породилните болки започнале да стануваат навистина сериозни.
Она што ја направи оваа случка уште поинтересна е тоа што на повикот за помош на местото пристигнал нејзиниот татко-пожарникар.
Приказната за овој „несовршено совршен момент“ топли срца насекаде ширум светот.
Тори предавала на час кога започнале контракциите. Нејзините ученици биле загрижени и ја советувале да оди дома и да се одмори.
Така, Тори ја повикала мајка си, а додека се обидувала да влезе во автомобилот, почувствувала силни контракции.
„Планот беше да одам во болница, но застанав кај автомобилот и реков: ‘Мора да ми помине и оваа контракција пред да можам всушност да седнам во автомобилот. И таа контракција беше онаа која го донесе бебето на свет’“ – објаснила Тори. При породувањето помогнале и училишната медицинска сестра Џејн Керон и училишниот службеник Вили Кинг.
Бебенцето се родило тешко 2,8 килограми и го добило името Бела.
„Кога се појави татко ми, започна да плаче. Јас и мајка ми бевме во шок. Тој беше првиот што одговори на повик за породување, кој беше всушност за неговата ќерка“ – рекла Тори.
„Капетан Мајк Хилдрет е првиот член на нашата противпожарна единица кој мораше да одговори на повик за породување и неговата ќерка беше таа која се породуваше“ – пишуваат од пожарникарната единица.
