Убавите внуки на принцезата Дијана во креации кои потсетуваат на нејзиниот иконски фустан

Елиза и Амелија Спенсер однесоа гламур и елеганција на доделувањето на Британските модни награди.

32-годишните внуки на покојната принцеза Дијана шармираа во црни креации кои потсетуваат на најпознатиот фустан на нивната тетка.

Всушност, станува збор за „одмаздничкиот“ фустан во кој принцезата Дијана блесна на летна хуманитарна забава на лондонската уметничка галерија „Serpentine Gallery“ во јуни 1994 година, истата вечер кога контроверзна телевизиска програма обелодени детали за аферата на принцот Чарлс и Камила. Тој стана еден од најпознатите фустани носени од Дијана, а за малку ќе останел засекогаш во гардеробер, бидејќи таа сметала дека е малку непристоен.

Фустанот на Елиза доаѓа од ателјето на Gaurav Gupta, додека креацијата на Амелија е дело на Pamella Roland.

Амелија и Елиза успешно чекорат во модната индустрија. Тие се ќерки на Ерл Спенсер, братот на принцезата Дијана.