Софија Вебстер има оптимистички и игрив поглед на модата. Нејзините стилски творби изобилуваат со ведри нијанси и забавни шари.
Колоритната колекција пролет/лето 2016 на британската дизајнерка е инспирирана од подводниот свет и приказните за сирени.
„Ми се допаѓаше тоа што можам да ја однесам својата имагинација од копното кон морето, а потоа од океанското дно до универзумот на сирените. Тоа ми даде можност да ги искомбинирам моите омилени бои со прекрасни материјали и принтови кои ги создадов“ – вели Вебстер.
„Mermaid Launderette“ е концептот околу кој е направена фотосесијата за презентирање на новите модели. Имено, станува збор за моменти кога сирените излегуваат на суво, ги соблекуваат своите опашки за да ги исперат, а меѓувреме носат откачени обувки.
Покрај главната колекција, Вебстер привлекува обожавателки и со „Колекцијата Ангелски крилја“ и „Невестинската колекција“.
Прекрасна цветна градина ја инспирираше летната фотосесија на Вебстер.
