Модниот спектакл на Шанел беше проследен од многу ѕвезди кои ги исполнија првите редови на ревијата.
Додека на пистата дефилираше Каја Гербер, нејзината мајка беше во публиката. Имено, Синди Крафорд со атрактивна црно-бела комбинација ги мамеше објективите на фоторепортерите.
51-годишниот супермодел со гордост може да каже дека има достојна наследничка во модниот свет, бидејќи 16-годишната Каја веќе е меѓу најбараните модели.
И Моника Белучи беше меѓу славните гостинки на ревијата. Облечена во црно од глава до пети, 53-годишната Италијанка шармантно се насмевнуваше додека позираше покрај зелената природа која Карл Лагерфелд ја внесе во „Гран Пале“.
