Џиџи Хадид заведуваше на овогодишната МЕТ гала.
За настанот во Њујорк, 30-годишната манекенка избра златна креација со кристали од Miu Miu инспирирана од незаборавниот изглед на актерката Џозефин Бејкер од 1951 година. Нејзиниот сакан Бредли Купер не беше со неа на настанот, кој оваа година беше на тема „Superfine: Tailoring Black Style“.
Со својот моден избор, Џиџи ѝ оддаде почит на дизајнерката од 40-тите години, Зелда Вин Валдес, која го креирала фустанот на Џозефин.
„Ова е оддавање почит на Зелда Вин Валдес, која беше модна дизајнерка во доцните 40-ти години“ – рекла Хадид за „Вог“.
Пред неколку дена, Џиџи го прослави својот 30-ти роденден со забава на која присуствуваше и Бредли Купер. Таа сподели фотографија на која тие се бакнуваат во уста.
