Моника Белучи беше специјална гостинка на Меѓународниот филмски фестивал во Солун, каде се закити со награда.
59-годишната актерка се појави на настанот во три модни комбинации во омилената црна боја. Славната Италијанка беше наградена за портретирањето на оперската дива Марија Калас во новиот биографски филм „Maria Callas: Letters and Memoirs“.
„Ви благодарам многу. Благодарност до овој прекрасен фестивал во Солун. Почестена сум што ја примам оваа награда и особено трогната што сум тука во Грција. Сакам да ја истакнам мојата најголема благодарност до најдобриот артист Марија Калас“ – рече Белучи, по што се заблагодари и на грчки јазик.
