Каролина Гочева синоќа ја одушеви публиката на големиот концерт на плоштадот „Македонија“, по повод 35 години независност.
Македонската музичарка се појави во впечатлива бела креација со потпис на дизајнерот Марков и го „зароби“ вниманието на присутните уште со самото појавување на сцената.
Долгиот фустан со слим линија совршено ѝ ја оцртуваше фигурата, а беше комплетиран со високи бели ракавици и куса наметка со изразено рамо изработена со вез од кристали во златни мотиви.
За беспрекорниот изглед на Гочева се погрижи стилистката Јована Зука, која избра едноставна шминка и фризура во холивудски стил како надополнување на впечатливата бела тоалета. За шминката беше задолжен Дадар.
Каролина имаше можност да застане рамо до рамо со една од најголемите оперски легенди на нашето време, Хозе Карерас.