Убавата ќерка на Здравко Чолиќ уживаше на негов концерт пред да замине на скијање со дечкото

Уна Чолиќ му е огромна поддршка на татко си Здравко Чолиќ и редовно е во публиката на неговите концерти.

24-годишната девојка помина квалитетно време со своите пријателки, забавувајќи се со нив на музичкиот спектакл кој 74-годишниот пејач го приреди во родното Сараево. Уна објави фотографии од атмосферата.

По концертот, младата наследничка на пејачот се упати кон планината Јахорина, каде што уживаше во зимската идила заедно со своето момче, кое е 10 години постаро од неа. Парот сподели романтични моменти од спа-центар, како и фотографии од скијање и прошетки на снегот.

Иако во минатото го криеше приватниот живот, Уна во последните години е сè поактивна на социјалните мрежи и редовно споделува моменти од секојдневието.

Според информации од блиски извори, нејзиното момче е успешен бизнисмен кој се занимава со продажба на автомобили и издавање локали.