Мерјем Узерли ја збогати својата колекција со награди.
41-годишната турска актерка, која кај нас се прослави со улогата на Хурем Султан во „Величествениот“, беше една од добитничките на наградите „Жена на годината“ во Истанбул. Таа изгледаше шармантно во бордо креација со крзно од Luna B.
Турското издание на Harper’s Bazaar ја награди Узерли за нејзиниот придонес во зајакнувањето на жените.
„Таа себеси не се дефинира само како актерка. Таа себеси се дефинира како ќерка, жена, сестра и мајка на две деца. Таа го користи влијанието на нејзината слава за жените и девојчињата низ целиот свет кои имаат потреба од него. Таа беше специјална гостинка на галата на Better World Fund, организација која има за цел да ги зајакне и поттикне жените... Таа е добитник на Наградата за зајакнување на жените за 2024 година“ – стои во објавата на Harper’s Bazaar Турција.
