Три години по самоубиството на нејзиниот сопруг, познатиот танчер и диџеј Стивен Бос – Твич (tWitch), Алисон Холкер повторно пронајде љубов.
Американската танчерка објави дека се вери со Адам Едмундс на својот 38-ми роденден, по речиси две години врска. Алисон сподели и дел од фотографиите од романтичниот предлог за брак.
45-годишниот извршен директор ѝ приредил неочекувана роденденска забава, која се претворила во уште поголемо изненадување – предлог за брак. Опкружен со црвени рози, тој клекнал на едно колено и ѝ го поставил судбоносното прашање.
Се веривме!
Тоа беше најромантичната ноќ во мојот живот!
Толку многу те сакам, Адам. Засекогаш ќе бидам благодарна што те имам и за влијанието кое го имаш во мојот и во животоите на моите деца. Поради тебе сум подобра личност. Ми помогна повторно да се пронајдам и ми покажа како да сакам. Секое утро се будам чувствувајќи се сигурно, знаејќи дека ти си мојата личност покрај мене. Најголемиот благослов е што ти и твоите деца влеговте во нашите животи...
Те сакам, Адам ❤️
Веста за веридбата доаѓа три години по смртта на Твич, кој изврши самоубиство во декември 2022 година на 40-годишна возраст. Холкер и Бос беа во брак од 2013 година и имаат три деца.
Таа никогаш не го заборави својот сопруг. На 3-годишнината од неговата смрт, Холкер објави видеа на кои танцуваат заедно и напиша:
Те почитуваме и ги чуваме сите наши прекрасни спомени со тебе. Сакавме да се смееме, да создаваме и да танцуваме заедно. Ќе те сакаме засекогаш ❤️❤️