Три генерации заедно: Кејт Хадсон со мајка си Голди Хоун и ќеркичката Рони Роуз на насловната страница на People
За првпат, на насловната страница на изданието на People посветено на убавината се појавија три генерации заедно.
Кејт Хадсон позираше со слатката ќеркичка Рони Роуз и мајка си Голди Хоун. На фотографијата, двете актерки се прегрнуваат додека едногодишното девојче неодоливо се смее во скутот на мајка си.
„Голема е радоста да се слави УБАВИНАТА на семејството во People – The Beautiful Issue. Со Мама и Рони Роуз ја снимивме оваа насловна пред неколку месеци, но светот воопшто не знаеше дека сите ќе мораме да се дистанцираме од дел од семејството на некое време. Некои можат да бидат во карантин едни со други, но некои, за жал, не можат. Силата на семејството е сè!“ – напиша Хадсон на Instagram.
Од People споделија видео од снимањето на фотосесијата и интервјуто.