„Толку многу љубов“: Алесандра Амбросио славеше роденден со двете деца и саканиот во изолација

Некогаш и малите роденденски забави можат да бидат незаборавни.

Алесандра Амбросио ги дувна свеќичките на тортата и уживаше во друштвото на своите најсакани за својот 39-ти роденден. Атрактивниот поранешен ангел на Victoria’s Secret славеше дома со ќеркичката Ања, синчето Ноа и саканиот Николо Оди.

„Wow! Не знам од каде да започнам... толку многу пораки, толку многу љубов! Голема благодарност до моето семејство, пријателите и сите вас! Дури и во ова лудо време чувствувам дека сум поврзана со сите вас! Ви благодарам од целото срце! Мојата љубов кон вас е бескрајна“ – напиша познатата Бразилка.

Алесандра сподели фотографии и од велигденската прослава.