Толку едноставна, а толку совршена: Ирина Шајк со минимална шминка и минималистички свилен фустан во Кан

Ирина Шајк докажува дека помалку е повеќе. Атрактивната Русинка доминираше на црвениот тепих во Кан покажувајќи ја моќта на чистиот минимализам.

Славната манекенка зачекори на свеченоста во долг свилен „слип“ фустан со тенки прерамки, кој совршено ја истакна нејзината силуета. 40-годишната убавица, како и обично, избра „no-makeup“ изглед, истакнувајќи го својот беспрекорен тен, природните усни и свежиот сјај на лицето.

Пуштената коса префрлена на едната страна остави простор за единствениот впечатлив детаљ – луксузен накит со скапоцен камен кој внесе доза на префинет луксуз во целиот стајлинг. 

Шајк беше фотографирана во Кан во уште две модни изданија.