Тимот на „Медена земја“ на настан за Оскар, позираа со Бред Пит, Леонардо Дикаприо, Ал Пачино, Тарантино...

Тимот на „Медена земја“ моментално е во Лос Анџелес, каде синоќа присуствуваше на настан посветен на Оскарите.

Режисерите Тамара Котевска и Љубомир Стефанов, кинематограферите Фејми Даут и Самир Љума, како и продуцентот и монтажер Атанас Георгиев присуствуваа на свеченоста која се одржа во Долби театарот.

На оскаровската забава, македонската филмска екипа позираше со холивудските ѕвезди Бред Пит, Леонардо Дикаприо, Квентин Тарантино, Ал Пачино и Роберт Де Ниро.

Тамара сподели фотографии на кои е покрај Леонардо и шеговито напиша: „Само да разјасниме. Јас не стоев покрај него. Тој стоеше покрај мене. (Јас имам две номинации оваа година)“.

Тамара носеше креација од македонската дизајнерка Тања Кокев, која ќе се погрижи и за нивните стајлинзи за доделувањето на Оскарите.

„Медена земја“ е номиниран за Оскар во две категории - Најдобар документарен филм и Најдобар странски филм.