„Ти си маестро, маестро мој“: Игор Џамбазов емотивен на годишнината од смртта на татко му Александар Џамбазов
Игор Џамбазов со огромна доза на емоции и носталгија се потсети на неговиот татко, легендарниот композитор и диригент Александар Џамбазов.
Македонскиот актер сподели трогателни зборови кои допреа до срцата на неговите многубројни пријатели и обожаватели, потсетувајќи нè дека некои луѓе никогаш не заминуваат и продолжуваат да живеат низ спомените и гените на своите наследници.
62-годишниот писател сподели извадок од неговата книга „Облечен човек“, во кој на најискрен начин ја опишува својата физичка трансформација и сличноста со татко му која ја забележува секое утро во огледалото.
Денес се навршуваат четири години од заминувањето на мојот татко Александар.
Ова е дел од приказната за него во мојата книга "Облечен човек"."Од пред некое време, наутро, кога ќе застанам пред огледалото, како да го гледам него. Особено кога имам на себе неколкудневна брада, јас и изгледам исто како него. И тоа е можно.
До својата 50-та година личев на примероците од „велешката сорта“, а оттогаш па наваму, со невидена брзина станувам примерок на „штипската крв“.
Татко ми Џамбаз е човек што вреди да го имаш за татко. Единствен примерок.
Татко ми Џамбаз целиот свој живот се жали дека никогаш не бил свој. Секогаш бил во нечија сенка. Се разбира дека тоа не е така.
„Прво бев сопруг на Анче, па зет на Петре Прличко, а сега сум татко на Игор. А јас? Па што сум тогаш јас?“Ти си маестро, маестро мој.“
Игор објави и снимка од „Златна бубамара“ кога за татко си рече:
Човекот кој живееше во своите спомени во последните 27 години и на секоја ама буквално на секоја средба ми викаше: Синко запамти, спомените се единствената оаза на овој свет од која не можеме да бидеме протерани. Живејте со спомените, со оние убавите секако.
