„Ти мора да бидеш подобра од мене“: Ријана со моќен совет за 7-годишно девојче кое ѝ рече дека сака да биде „следната Ријана“
Ријана дизајнираше нов модел на патики во соработка со Puma и тој доаѓа во детски големини.
36-годишната пејачка одржа прес-конференција за да ги презентира патиките The Fenty x Puma Avanti, инспирирани од фудбалот. Ријана, која е мајка на две мали момчиња, го замени традиционалниот прес за новинари, со прес за деца и примаше прашања само од најмалите.
Меѓу нив беше и 7-годишната Франческа која имаше слатко интервју со Ријана. Неодоливото девојче ѝ рече: „Сакам да бидам следната Ријана“, а на тоа музичарката одговори: „О не, ти мораш да бидеш подобра од Ријана, девојко. Додека да пораснеш, јас ќе бидам винтиџ и антика“.
Потоа, Франческа ја праша Ријана дали има некој совет за неа, на што Ријана моќно ѝ одговори.
„Цели кон ѕвездите, не цели кон мене. Цели над мене. Ќе бидеш фантастична. Сакам вие дечки секогаш да бидете подобри, попаметни и да го промените светот.“
@enews This moment will always have our hearts. #Rihanna ♬ original sound - E! News
Франческа не пропушти да ја испраша Ријана за инспирацијата зад дизајнирањето детски патики.
„Бидејќи имам деца кои се помали од тебе во години и сакав да ги гледам во мојата облека, сакав да ги гледам и во моите обувки, во сè што носам. Уживам да ги гледам моделите во минијатурни големини и моите деца се многу малечки... сакав да ве гледам вас дечки во кул обувки. Сите деца“ – рече Ријана.
„Морав да одделам време за да ги редизајнирам и да создадам нешто што ние мајките ќе можеме да го ставиме на вас дечки без вие да се изнервирате“ – додала таа.
Запрашана што сакала да биде на возраста на Франческа, Ријана одговори:
„Возрасна. Сè што сакав кога бев на твоја возраст беше да бидам возрасна, а сега сакам да сум дете. Затоа не дозволувај да те излажат. Да бидеш возрасна не е толку забавно колку што изгледа“.
Еве го целото интервју:
