„Ти благодарам што жртвуваше толку многу за нас“: Анастасија Ражнатовиќ со емотивна објава на роденденот на Цеца
Цеца Ражнатовиќ вчера го прослави својот 53-ти роденден. Меѓу многуте честитки кои ги доби, специјално место зазеде пораката од нејзината ќерка Анастасија.
Преку зборови полни со љубов и благодарност, 28-годишната пејачка ѝ се заблагодари на мајка си за сите жртви, непроспиени ноќи и безрезервната поддршка низ годините, истакнувајќи дека токму таа е заслужна за личноста која е денес.
Анастасија објави и фотографии од своето детство.
Нејзината порака започнува со стихови од познатиот хит „Ocean“ на Керол Џи, прочитајте ја:
Се чувствувам голема поради тебе, и макар и да се обидам, не би можела без тебе, сета моја среќа е благодарение на тебе, а ако умрам, би се вратила поради тебе... ❤️
Чао мама! Денес те славиме тебе и денот кога дојде на овој свет и сакам да ти се заблагодарам за неколку работи:
Ти благодарам за сè што направи за нас. Ти благодарам што секогаш беше збор на поддршка, а не на осуда. Ти благодарам што жртвуваше толку многу, и од својата младост и од животот, поради нас. Ти благодарам што секогаш бевме приоритет, дури и кога тоа значеше дека ти ќе изгубиш нешто. Ти благодарам за секоја грижа, непроспиена ноќ и несебична љубов што ни ја даваш од денот кога дојдовме на овој свет. Ти благодарам што нè научи на вистинските вредности и што израснавме во луѓе какви што сме денес. Ти благодарам што секогаш нè насочуваше кон верата и кон Бога. Ти благодарам за сè што си, што беше и што ќе бидеш...
Се радувам на секоја нова животна етапа што нè чека, бидејќи среќа е да се поминува овој живот заедно со тебе! Те сакам засекогаш и ти посакувам секогаш да бидеш среќна, а твојата ќерка е секогаш тука за тебе, го знаеш тоа! Среќен роденден мама!
Покрај Анастасија, Цеца го има и синот Вељко од бракот со Жељко Ражнатовиќ – Аркан.