Телото пронајдено! 33-годишната Наја Ривера се удави откако најверојатно го спаси малиот син

Трагичната смрт на Наја Ривера беше потврдена од полицијата. По неколкудневна потрага, одговорните службеници се уверени дека мртвото тело кое го пронајдоа во езерото Пиру е на ѕвездата од серијата „Glee“.

Ривера имаше 33 години.

Пред една недела, Ривера изнајми бротче со цел да помине релаксиран ден со 4-годишниот син Џоузи на езеро. Но, нивната авантура се претвори во кошмар. Неколку часа откако отпловија во езерските води, малото детенце беше пронајдено заспано на бротчето, без неговата мајка.

Шерифот задолжен за истрагата соопшти дека врз база на разговор со Џоузи, се смета дека нивното бротче навлегло во силни струи и актерката со последните сили го спасила детенцето.

Наводно, Наја и Џоузи влегле во водата за да пливаат. Таа успеала да го турне на бротчето за да го спаси, но кога тој се свртил назад, таа исчезнала под површината.

Најблиското семејство и пријатели и колеги на Наја беа фотографирани на брегот држејќи се за раце за да ѝ оддадат почит.

Меѓу ужалените кои го посетија езерото деновиве беше и нејзиниот поранешен сопруг Рајан Дорси, кој е и татко на Џоузи.

Наја влезе во шоу-бизнисот уште од мали нозе, а светска слава стекна со серијата „Glee“.