Џанлука Ваки и Шерон Фонсека слават 6 години љубов.
56-годишниот милионер и неговата 29-годишна избраничка со слатки постови на Instagram си ја честитаа годишнината.
Џанлука со компилација од фотографии раскажа дека се запознале на снимањето на видео и дека тој веднаш се вљубил во неа.
„Ова е на првиот ден кога те запознав. Снимавме видео. По кратко време сфатив дека нешто во мене е привлечено од тебе и срцето започна да ми чука различно. Си реков себеси: ‘Ја запознав личноста која ја чекав...’ На крајот на денот, ти испратив фотографија на која пишуваше ‘Киднапиран’, бидејќи така се чувствував“ – раскажа тој.
На неговиот пост, Шерон возврати:
„Те сакам, животе мој. Ти благодарам за овие 6 прекрасни години“.
Фонсека пак објави фотографии направени низ годините откако е во врска со славниот бизнисмен. Тие заедно имаат една ќерка, Блу Џерусалема.
„Каква авантура живеевме во овие 6 години. Благодарна сум и среќна што го искусив животот со тебе. Те сакам“ – напиша таа.
Парот ја доби ќеркичката во октомври 2020 година.
