„Те сакам тато“: Сопругата и ќерката на покојниот Коби Брајант споделија фотографии на неговиот роденден

Ванеса и Наталија Брајант не пропуштија да го одбележат роденденот на Коби Брајант, кој ако беше жив ќе наполнеше 45 години.

41-годишната сопруга и 20-годишната ќерка на кошаркарската легенда споделија фотографии со него и напишаа роденденски честитки.

„Среќен роденден. Ќе те сакам засекогаш“ – напиша Ванеса и го додаде хаштагот #82378, кој го означува неговиот роденден.

Наталија сподели една фотографија со татко ѝ од нејзиното детство и напиша:

„Среќен роденден тато“.

Коби и Ванеса беа во брак повеќе од две децении пред неговата смрт. Се запознаа на сетот на музичко видео во 1999 година кога Коби имаше 20 години, а Ванеса 17. Тие стапија во брак во април 2001 година.

Славниот кошаркар го загуби животот во хеликоптерска несреќа заедно со нивната 13-годишна ќерка Џиана.