„Те сакам и ќе бидам со тебе до крај“: Момче си ја избричи главата во знак на поддршка за татко му болен од рак
Момче со емотивен гест му покажа на татко си дека не е сам во битката со ракот и дека секогаш ќе биде покрај него.
Александер од Бразил му ја избричи главата на болниот татко кој прима хемотерапии, а потоа си ја избричи и својата глава. Моментот бил снимен, а видеото расолзи илјадници лица низ светот. Се разбира, и таткото на Александер не остана рамнодушен на овој гест.
Пред три месеци, семејството дознало дека ракот има метастазирано од белите дробови кон колкот и оттогаш тие имале многу предизвици кои ги надминувале заедно.
„Ти благодарам што си толку неверојатен татко. Како што велат: ‘Каков татко, таков син’. Сега сме еднакви... Двајца згодни момци. Те сакам и ќе бидам со тебе до крај и наскоро нештата ќе се вратат во нормала“ – пишува Александер.
Подоцна, тој објави фотографија на која се гледа дека и други членови од семејството го следеле неговиот пример.
„Ќелавиот тим е формиран. Те сакаме“ – напиша Александер.
