Тања Кочовска и Предраг Павловски слават 31 година во брак.
По тој повод, познатата македонска актерка смисли хумористична објава. Во свој препознатлив стил, таа сподели заедничка фотографија со сопругот на која му мери притисок.
„..31😏..“ - стои во описот.
„Тањчи, вака така прогуравте и стигнавте до 31. Да си славите и дијамантска свадба.“
„Да ви се множат Тањче, живи, здрави, весели, откачени... безброј убавини радости да си исчекате.“ - беа неколку од многуте коментари со честитки за годишнината на брачната двојка.
И во изминатите години, истакнатата актерка со духовити објави ги одбележуваше посебните датуми со нејзиниот избраник. Во февруари годинава, таа му го честиташе роденденот на сопругот со урнебесна „фотографија од кревет“ на која напиша: „ПРЕДРАААААГ...КАДЕ СИИИИИИ? СРЕЌЕН РОДЕНДЕЕЕЕЕН!“
Тања има две деца. Синот Александар го доби во првиот брак со актерот Владимир Ендровски, а ќерката Нела ја има со сегашниот сопруг Предраг.
