Тамара Тодевска со децата и сестра си Тијана пеат на цел глас во автомобил: „За тебе би одела до крајот на светот“
Тамара Тодевска пред неколку дена го промовираше својот нов албум „Кукла жива“, а сега покажа дека нејзините песни не се слушаат само на сцена и на настапи, туку и во најопуштените семејни моменти.
Македонската музичарка сподели неколку видеа направени во автомобил, во кои заедно со нејзините деца Хана и Дарен и сестра ѝ Тијана Дапчевиќ ги пеат на цел глас нејзините песни „До крајот на светот“ и „Силни“.
Ние вака. А вие? На која песна вака? 🔥 - напиша Тамара.
На неодамнешната промоција на „Кукла жива“ во Скопје, Тамара беше опкружена со семејството, пријателите и колегите, а меѓу оние кои ѝ дадоа најголема поддршка беа токму Хана, Дарен и Тијана.
Вечер која никогаш нема да ја заборавам. ❤️
Неизмерно ви благодарам на сите што бевте дел од неа.„Кукла жива“ конечно живее, а ова е само почеток. ❤️🔥 - напиша во описот таа.
