„Таа е неодоливо бебе. Многу е слатка“: 80-годишниот Роберт Де Ниро за 10-месечната ќеркичка Џиа

Роберт Де Ниро сподели нова фотографија со малата ќеркичка и зборуваше за неа во интервју за People.

Навраќајќи се на 13 важни моменти од неговиот живот, 80-годишниот актер рече дека гледа многу сличности меѓу него и неговата 10-месечна ќерка Џиа, како и неговата 12-годишна ќерка Хелен. Зборувајќи за стара фотографија на која тој има 3-4 години, Роберт рече:

„Ме потсетува на моите најмлади ќеркички. Истото го гледам и во едно од моите внучиња“.

За новото издание на People, Де Ниро откри како се чувствува кога е во близина на Џиа.

„Таа е неодоливо бебе. Многу е слатка. Кога ќе ја погледнам, сè друго исчезнува. Голема радост е и олеснување само да се биде со неа во тој момент“ – рече тој.

Покрај Џиа, Роберт има уште шест други деца. Неговото најголемо дете има 52 години.

52-годишната Дрена тој ја посвои кога се ожени за Даен Абот, со која го има и 47-годишниот Рафаел. Актерот има две деца, Елиот (25) и Хелен (12), со поранешната сопруга Грејс Хајтауер, а е татко и на 28-годишните близнаци Арон и Џулијан од врската со Туки Смит.

Холивудската ѕвезда вели дека сите тие се пресреќни кога се со бебето Џиа.

„Сите мои деца уживаат со неа. Дури и внуците. Таа им е тетка, а тие наскоро ќе бидат тинејџери“ – сподели Де Ниро.

Тој вели дека омиленото нешто му е да биде заедно со семејството и да патува во топли краеви.

„Фактот дека сите се заедно, ми значи сè“ – вели тој.

Роберт ја доби ќерката Џиа во април минатата година со неговата девојка Тифани Чен.