Тања Царовска и НУ Камерен оркестар на Битола ја одведоа битолската публика на извонредно музичко патување.
Со својот препознатлив и емоционален вокал, талентираната пејачка докажа дека музиката навистина нема граници и отпеа традиционални песни од различни земји – Македонија, Бангладеш, Либан, Кина, Шпанија...
Концертот се одржа во рамките на 17-тото издание на „Фестивалот на музика од светот“ во Центарот за култура во Битола.
Откако аплаузите стивнаа, Царовска, која има интернационална кариера и фасцинира во филмски хитови како „Троја“ (Troy) и „Страдањата на Христос“ (The Passion of the Christ), се обрати на социјалните мрежи:
Од срце благодарност до сите што беа со мене и Битолскиот оркестар синоќа!
Бевте прекрасна публика и ми приредивте огромна радост да можам да испеам дел од моите омилени композиции пред вас!
Благодарност до сите музичари учесници и екипата на Фестивалот за Музика од Светот, Битола и Центар за Култура, Битола, за целата поддршка!
До следното видување, прегратки од душа!
Фото: Ивона Кочов / Femina.mk