Свадбеното видео на Тајзи и убавата Ангела кои го очекуваат првото дете

Драган Величковски – Тајзи и Ангела Анчевска на 12 јули ја крунисаа својата љубов со брак, а сега го споделија свадбеното видео кое ги содржи најубавите моменти од големата прослава.

38-годишниот македонски музичар и убавата манекенка позираа заедно и се веселеа со најблиските во ресторан во Скопје. Парот го очекува првото дете.

„Свадбата е еден од ретките моменти во животот кога времето како да застанува, а сите луѓе што ги сакаш и почитуваш се собираат на едно место за да ја споделат твојата среќа.
Во таквите мигови сфаќаш дека најголемото богатство не се работите што ги поседуваш, туку луѓето што ги имаш покрај себе. Вашите насмевки, прегратки, искрени честитки и убави желби го направија нашиот ден совршен и ни подарија спомени што засекогаш ќе живеат во нашите срца.
Од сѐ срце ви благодариме што бевте дел од нашиот најубав ден. Ви благодариме што со вашето присуство, љубов и позитивна енергија ја направивте нашата свадба незаборавна.
Нека Бог ве чува вас и вашите семејства. Со љубов, благодарност и почит - ви благодариме од срце!“ - напиша Тајзи споделувајќи фотографии.