Шанел Иман се заколна на вечна љубов. Популарниот модел се омажи со Стерлинг Шепард за време на романтична церемонија во Лос Анџелес.
27-годишната убавица за специјалниот ден избра две венчаници од Зухаир Мурад, со кого редовно соработува за појавувањата на црвениот тепих.
„Се чувствувам многу среќна што се омажив во една од неговите прекрасни креации. Навистина сакам едноставни, елегантни силуети и навистина сакав да пронајдам класична венчаница за мојата церемонија“ – изјави Иман.
Славниот модел на Victoria’s Secret и 27-годишниот спортист се запознале во ноември 2016 година, а се верија пред три месеци.
„Вог“ објави фотографии од последната проба на невестата пред свадбата.
