Изабели Фонтана заплива во брачните води. 33-годишната манекенка и Диего Фереро го изговорија судбоносното „Да“ на свадбена церемонија која се одржа на плажа на Малдиви.
Познатиот модел на Victoria’s Secret за најважниот ден од својот живот избра необична венчаница од брендот Água de Coco.
Привлечната Бразилка и пејачот од бендот NX Zero ја започнаа својата врска во декември 2013 година, а 9 месеци подоцна Диего ѝ предложи брак.
Ова е трет брак за Фонтана. Таа се разведе од моделот Алваро Џакомоси во 2004 година, а стави крај на двегодишниот брачен живот со актерот Хенри Кастели во 2007 година. Познатиот модел има два сина со двата поранешни сопрузи.