Изабели Фонтана и Диего Фереро стапија во брак на 9 август на церемонија која се одржа на плажа на Малдиви. На свадбената прослава, 33-годишниот модел блесна во несекојдневна венчаница украсена со илјадници кристали.
За создавањето на впечатливиот невестински фустан, бразилскиот бренд Água de Coco вложил четири месеци, а употребени се од 10.000 до 30.000 сваровски кристали за декорирање.
Привлечната Бразилка и пејачот од бендот NX Zero започнаа да се состануваат во декември 2013 година, а 9 месеци подоцна Диего ѝ предложи брак.
Ова е трет брак за Фонтана. Таа се разведе од моделот Алваро Џакомоси во 2004 година, а стави крај на двегодишниот брачен живот со актерот Хенри Кастели во 2007 година. Познатата манекенка има два сина со двата поранешни сопрузи.