Иан Зиринг и Ерин Лудвиг не се повеќе заедно.
55-годишниот актер, кој се прослави со улогата на „Стив“ во хит-серијата „Беверли Хилс 90210“, и 34-годишната Ерин поднесоа документи за развод и за одредување на старателството над двете мали ќеркички. Тие беа заедно 9 години.
Иан ја објави веста за разделбата пред 5 дена на Instagram, а поранешниот пар вчера ја започна бракоразводната постапка.
„Со тешко срце ви соопштувам дека со Ерин се разделуваме. Со нашите хаотични работни ангажмани не можевме да бидеме позафатени и во последните неколку години тргнавме во различни правци. Таа е една од најневеројатните жени кои сум ги сретнал и е најдобрата мајка на нашите деца. Забележав дека се пишуваат нешта за да се сензационализира ситуација која не е сензационалистичка. Секој цитат препишан на мое име е тотална лага и е измислен од хејтерите за да ги уништат нашите намери да продолжиме да се согласуваме, да ги заштитуваме и да ги израснеме нашите ќерки и да бидеме пример за успешни ко-родители. Ве молиме да ја почитувате нашата приватност во ова тешко време додека се фокусираме на она што е најважно, нашите ќерки. Љубов и мир, Иан“ – напиша тој.
Парот ја започна својата врска во 2009 година, а стапи во брак во мај 2010 година.
Тоа беше втор брак за Зиринг, кој во 1997 година се ожени со Плејбој зајачицата Ники Шилер.
