Вообичаените тесни панталони и хеланки Џенифер Лопез во изминативе денови ги замени со различни типови широки фармерки.
За денско излегување во Њујорк, 54-годишната пејачка избра широки „извалкани“ фармерки и привлече многу коментари за модната комбинација.
Музичката ѕвезда во својот стајлинг додаде тексас обувки на високи потпетици, сина чантичка од Шанел и тегет ролка и палто.
„Овие валкани фармерки се сè друго, само не стилски“, „Смешен аутфит. Колку пари ја платиле за да ги промовира овие парчиња облека?“, „Грдите фармерки не одговараат со останатата нејзина облека“ и „Тие фармерки се пресмешни“ – се дел од коментарите на интернет.
И претходните денови, Лопез беше повеќепати фотографирана во комбинации со широки фармерки.
