Стилски двобој: Сидни Свини во истиот фустан кој Анџелина Џоли го носеше пред 20 години на Оскар

Сидни Свини беше дел од гостите на забавата на Vanity Fair организирана по повод доделувањето на Оскарите.

26-годишната актерка однесе винтиџ гламур на настанот во Беверли Хилс. Сидни го носеше истиот фустан кој беше избор на Анџелина Џоли за Оскар пред точно 20 години. Креацијата е дело на модниот дизајнер Марк Бауер.

„Од архивите. Носен на Оскарите во 2004 од Анџелина Џоли и сега од убавата Сидни Свини. На 20-годишнината, не можевме да посакаме подобрa преродба“ – напиша Марк.

„Чест ми беше да носам парче историја“ – напиша актерката.

Стајлингот на Свини потсети многумина на изгледот на легендарната Мерилин Монро.