Стилска битка на три ѕвезди: Џенифер Лопез, Џенифер Анистон и Бела Хадид во ист фустан од Версаче

Атрактивна креација од Версаче стана стилски избор на Џенифер Лопез, Џенифер Анистон и Бела Хадид. Трите ѕвезди го носеа црниот фустан за различни настани.

Откако дефилираше на ревијата на Версаче во Милано, Бела Хадид се упати на забавата на италијанскиот бренд.

На прославата, 20-годишниот модел ја истакна својата витка фигура во црн фустан од колекцијата есен 2016 на врвната модна куќа.

Џенифер Анистон блесна во истата светкава креација на овогодишното доделување на Оскарите. Во својот стајлинг за гламурозната манифестација, холивудската ѕвезда додаде дијамантски накит вреден 10,7 милиони долари од Лорејн Шварц.

Црниот фустан со висок шлиц и длабоко деколте се најде и во гардеробата на Џенифер Лопез, која го носеше за гостувањето на концерт на нејзиниот поранешен сопруг Марк Антони.