Ева Лонгорија неретко ѝ го доверува својот стајлинг на својата пријателка Викторија Бекам, а тоа го направи и за свадбата на нејзиниот син Бруклин Бекам.
На прославата, Лонгорија шармираше во црна креација од колекцијата пролет/лето 2022 на славната дизајнерка, а истиот тој фустан го носеше Викторија неколку недели претходно.
Во неодамнешно интервју, Ева изјави дека позајмува облека од плакарот на Викторија. „Одам во нејзиниот плакар и таа ми кажува што да носам. Ќе ме праша: ‘Сакаш црно или зелено?’, јас ќе речам ‘црно’ и таа ми вели ‘одлично, зелено’“ – призна славната актерка.
