Српската блогерка Зорана се вери со познат фудбалер, пресреќна го покажа вереничкиот прстен

Зорана Јовановиќ ќе заплива во брачните води.

Најпознатата српска блогерка, чија мрежа на фанови само на Instagram брои 810 илјади, го прифати предлогот за брак од фудбалерот Елој Ром.

Убавата вест атрактивната Србинка ја сподели на Instagram заедно со фотографии на кои го покажува вереничкиот прстен. Романтичниот момент се случил за време на нивен престој во ресорт на карипскиот остров Курасао.

Љубовната приказна на Зорана и Елој започнала на интересен начин. Тие се запознале преку апликација за состанување, а бидејќи таа веднаш не го прифатила, Елој морал да плати некоја симболична сума за да може да ѝ испрати порака. Нивното зближување за кратко време се развило во врска и тие станале неразделни.

Елој има 5-годишна ќерка со претходна партнерка.