Тамара Калиниќ со отмен стајлинг пленеше на црвениот тепих во Кан. Српската блогерка присуствуваше на престижниот филмски фестивал на премиерата на „Fatherland“, новиот биографски филм на полскиот режисер Павел Павликовски.
За гламурозната пригода, Тамара избра впечатлива црна тоалета од брендот Bolandy Moda која совршено ѝ ја нагласи фигурата, спојувајќи ја класичната елеганција со модерен сексапил. Станува збор за софистициран фустан чиј корсетиран горен дел е збогатен со текстурирани плетени детали по рабовите, додека смелите исечоци на струкот и длабокиот шлиц му даваат доза на провокативна авангарда.
Модниот избор таа го заокружи со блескави златни сандали на висока потпетица со тенки кристални ремчиња со потпис на Rene Caovilla, како и со впечатлив златен накит.
Тамара наскоро ќе заплива во брачните води. Нејзините фанови со нетрпение ја очекуваат венчавката со Филипо Теста.
