Криси Тиген беше фотографирана со својот сопруг и малата ќеркичка Луна на прошетка во Сен Тропе. Облечена во кратки фармерски панталони од брендот R13, маица од Mia и сандали од Yeezy, Тиген се разладуваше со сладолед додека чекореше покрај Џон Леџенд. Својот изглед таа го надополни со чанта од The Row, очила од Victoria Beckham и белегзии од Anita Ko.
Тримесечната Луна мирно спиеше во прегратката на татко си.
За време на својот одмор во Европа, славниот пар се врати нa местото каде го снимаше спотот за песната „All of Me“, езерото Комо во Италија.
30-годишната манекенка и 37-годишниот пејач беа во врска четири година пред да се верат во декември 2011 година. Тие ја крунисаја својата љубов со брак во септември 2013 година, а во април оваа година се роди нивното прво дете.