„Среќно крштевање“: Сара Мејс и Димитар Атанасовски со двете деца на крштевка на која беа кумови
Сара Мејс и Димитар Атанасовски викендов беа кумови на крштевката на малиот Петар.
Македонската пејачка и познатиот водител споделија фотографии од крштевањето на синчето на диџеј Мац и неговата сопруга Татјана. Заедно со нив беа и нивните две дечиња, синчето Кирил и ќеркичката Илина. Сите беа дотерани за црковната церемонија.
„Кумови. Среќно крштевање Петар“ – напиша Сара во описот на албумот со фотографии.
Марјан Мац Петровски стапи во брак со Татјана во август 2023 година, а Димитар не пропушти да сподели фотографии од кумството.
Петар се роди на 24 февруари оваа година.
