„Среќен роденден ангелу“: The Weeknd со романтични фотографии ѝ го честиташе роденденот на Бела Хадид
Бела Хадид наполни 22 години. За да ѝ го честита роденденот на својата сакана, The Weeknd сподели романтични фотографии и видео со неа.
На фотографиите, славната манекенка и 28-годишниот пејач изгледаат заљубено и среќно.
„Среќен роденден ангелу“ – напиша тој во описот.
The Weeknd, чие вистинско име е Абел, и Бела започнаа да се состануваат на почетокот од 2015 година, но на 11 ноември 2016 година објавија дека се разделуваат.
Тие ја обновија својата романса по Канскиот филмски фестивал и оттогаш се неразделни.
