„Срцето ми се крши за неговиот син“: Славните лица со емотивни пораки и фотографии се збогуваат со Лиам Пејн

Светот тагува поради ненадејната смрт на Лиам Пејн, кој почина по пад од балкон во Буенос Аирес.

Поранешниот член на групата One Direction имаше само 31 година и зад себе го остави 7-годишното синче Беар кое го има со пејачката Шерил.

Неговото семејство се огласи за првпат, а и голем број славни личности, поранешни учесници на X Factor и негови соработници на социјалните мрежи споделија фотографии и емотивни пораки за да се збогуваат со него.

Изјавата од семејството

„Скршени ни се срцата. Лиам секогаш ќе биде во нашите срца и ќе го памтиме по неговата добра, забавна и смела душа. Се поддржуваме еден со друг најдобро што умееме како семејство и бараме приватност во овој ужасен период.“

Чарли Пут

„Во моментов сум во шок. Лиам отсекогаш беше многу љубезен кон мене. Тој беше еден од првите познати артисти со кои можев да работам. Не можам да поверувам дека го нема... Многу ми е жал.“

Ен Твист

Мајката на Хари Стајлс, со кого Лиам настапуваше во бендот One Direction, сподели скршено срце и напиша: „Беше само дете...“.

Оли Мур

„Оваа вест е вознемирувачка, останав без зборови. Секогаш добро се смеевме кога ќе се видевме, понекогаш разговорите беа само кратки и слатки, но најчесто беа колку неговата фризура секогаш изгледа иритирачки добро, за старите добри денови на X Factor или заедничките турнеи. Лиам имаше исти страсти и соништа како мене, па тоа што гледам дека неговиот живот заврши толку млад многу ме погоди. Навистина сум погоден и скршен за неговиот татко и се разбира, за неговиот син Беар кој загуби татко. Мислам на нив. Почивај во мир Лиам.“

Диџеј Скот Милс

„Ова е навистина тешко да се прифати. Никогаш, ниту во милион години, не би помислил дека ќе треба толку брзо да се збогуваме со тебе Лиам. Колку многу се забавувавме тогаш и сега се чувствувам неверојатно тажно. Им ја испраќам мојата љубов и сила на неговото семејство, на неговите пријатели, а особено на неговиот син.“

Парис Хилтон

„Многу сум вознемирена од веста за смртта на Лиам Пејн. Испраќам сочувство и љубов до неговото семејство и саканите.“

So upsetting to hear the news of @LiamPayne passing Sending love and condolences to his family & loved ones. RIP my friend

— Paris Hilton (@ParisHilton) October 16, 2024

Рок бендот McFly

„Шокирани сме и екстремно сме тажни што се будиме со веста за смртта на Лиам Пејн. Нашите мисли и нашата љубов се со неговото семејство и пријателите во овој тежок период.“

We’re shocked and extremely sad to wake up to the news of Liam Payne’s death. Our thoughts and love are with his family and friends at such a difficult time ️

— mcfly (@mcflymusic) October 17, 2024

Карен Елсон

„Посакувам веста за Лиам Пејн да беше лажна. Срцето ми се крши за неговото семејство, особено за неговиот син Беар. Почивај во мир.“

I wish this news wasn’t true about Liam Payne. My heart breaks for his family especially his son Bear.
Rest in Peace

— Karen Elson (@KarenElson_) October 16, 2024

Шер Лојд

„Од заедничките концерти, домашните посети додека снимавме, до одењето на турнеи заедно и гледањето како си ги остваруваше соништата. Ќе ги ценам спомените кои ги создадовме и смеата која ја имавме. Моите мисли се со твоето семејство и пријателите, со сите кои те сакаат. Моето срце е скршено за твојот син Беар. Почивај во мир Лиам.“