„Срце што не замолчи, туку продолжи да бие!“: Успешно трансплантирани срце и бубрег од починат органодарител

Од Министерството за здравство вчера споделија две позитивни вести. 

Благодарение на несебичноста на едно семејство и напорната работа на медицинските тимови, спасени се два човечки животи. 

Успешно е трансплантирано срце од починат органодарител кај 52-годишен маж, кој од 2021 година бил на листата за чекање, а нов бубрег доби и 23-годишно момче.

Четири години чекање. Еден повик и момент што промени сè.

Срце што не замолчи, туку продолжи да бие!

🙏Во градите на 52-годишен пациент од денеска пулсира ново 🩷. Овој пациент од 2021 година е на Националната листа  за трансплантација.

Симбол на нечија љубов која продолжува да живее и да носи светлина во друг живот.

Едно семејство, во најтешкиот момент од животот, донесе одлука да спаси животи.

💗 Срцето не застана. Само продолжи да бие, во градите на некој друг.

Утрово 23-годишно момче се разбуди со нов бубрег.

Со нова шанса.

Со живот што повторно има смисла, по години на дијализа, болници и чекање.

Години на надеж дека ќе дојде неговиот ред.

И...дојде.

🙏 Благодарение на едно семејство, кое во моментите на најдлабока болка го погледна светот надвор од сопствената тага и одлучи да каже „ДА" за дарување орган на својот близок и "ДА" за спасување живот.