Срце со цвеќиња на интимна плажа, огромен дијамант: „Ангелот“ Алесандра Амбосио кажа „ДА“

Алесандра Амбросио се вери со Бак Палмер по две години врска.

45-годишната манекенка, која во минатото беше еден од ангелите на Victoria’s Secret, го прифати предлогот за брак на австралискиот дизајнер на накит. 

Среќниот пар ја сподели радосната вест на социјалните мрежи, објавувајќи фотографии и видео од романтичниот предлог за брак кој се случил во април, за време на одморот на островот Сумба.

На фотографиите се гледа како Палмер клекнува на едно колено во срце исцртано на песокот, а Амбросио возбудено стои пред него. 

„Би те избрала во овој живот и во секој живот. До вечноста, љубов моја“ – напиша Амбросио покрај фотографиите.

Бразилската убавица откри и дека од запросувањето до објавувањето на веста поминале четири месеци.

„Пред четири месеци рековме ДА на вечноста. Овој прекрасен момент го чувавме блиску до нашите срца, а сега сме толку среќни што конечно можеме да го споделиме“ – напиша таа.

Алесандра и Бак првпат јавно ја потврдија својата врска кон крајот на 2024 година. Палмер тогаш напиша дека се заљубил во „неверојатна партнерка“ која секојдневно го инспирира и му носи повеќе радост во животот.

Оттогаш, парот често споделува моменти од своите патувања низ светот. Во април, Амбросио поттикна гласини за свршувачка откако беше фотографирана со златен прстен.

За Амбросио ова е втора свршувачка. Таа претходно беше верена со бизнисменот Џејми Мазур, со кого ги има 17-годишната ќерка Ања и 14-годишниот син Ноа. 

Палмер, пак, претходно беше во брак со Ешли Харт, сестрата на манекенката Џесика Харт.